« ایران تورکلری نین اسکی تاریخی »
کیتابینا عاید بیر باخیش
حؤرمتلی عالیم ، پروفسور دکتر زهتاب جنابلاری نین تورکجه یازیلان تاریخ کیتابی وطنی میزین گئچمیش تاریخی نی و بوردا حاکمیت و مدنیت قوران سولاله لری ، گئنیش ساحه ده آراشدیریب و اونلاری علمی و تنقیدی حالدا ایزله میشدیر . بو اثر دونیانین ان یوکسک سوییه ده اولان تاریخ کیتابلاری کیمی قالارجی بیراثر و مونوگرافیا باخیمیندان آذربایجانا عاید داها گؤرکملی ، اؤنملی و بیر چوخ یئنی سؤزلری اولماغینا گؤره باشقا آوانتاژ لاریدا وار :
عثمانلی امپئریاسی داغیلدیقدان سونرا ،آوروپا استعماری نین آپاریجی لاری او جمله دن اینگلیز سیاستی نتیجه سینده عموم تورک خلقی و ائله جه ده ایران تورک لری اولماز- قالماز سئخنتی لره و سیاسی اجتماعی تجاوزلارا معروض قالمیش و گناه سیز اولاراق یالنیز و یالنیز تورک نامینه تحقیر اولموش و ائله جه ده دیلیمیزین حقسیز جه سینه ازیلیب ، تاپدالانمیش و تاریخی میز بئله تحریف اولونموش دور ؛ اونونلا بیرگه آریائیست تاریخ چیلر فتنه کارلیق آماجیله ایران دا یاشییان 52 فایز تورک لری و اونلارین وارلیغین و اولدوغون داناراق دیلیمیزی ،تاریخی میزی و ادبیاتمیزی سئوال لارا معروض قویموشلار . بئله اولدوقدا وطنیمیز ده فارس اولماق یانلیز ایرانلی اولماق حسابیندا و فارس دیللی اولمویانلار گئری قا لمیش وطنداش ساییلان کیمی اولموشدور . ائله جه بیزیم آنا دیلیمیز اؤنمسیز ساییلمیش ، وطنیمیزده کیمسه تورک لردن اؤز ادبیاتیندان و یوزلر جه شاعیر لریندن و فارس ادبیاتینا وئردیگی تحفه لردن خبر سیز اولوب ، علمی ادبی عرفانی شخصیت لریندن و اونلارین یارادیجی لیغندان خبر سیز اولموشلار. حالبوکی بئله نچی اثرلر آز اولمامیش و فارس ادبیاتیندان دا گئری قالان دگیلدیر . میثال اوچون بغدادلی ملا محمد فضولی بؤیوک عالیم و عاریف ،إ مولانا محمد بلخی ابوالقاسم نباتی عماد الدین نسیمی تک انسانلار هر اوچ دیلده ( عرب – تورک – فارس ) جه یازیب یاراتمیشلار .دئمه لی بو کیتابلارا گؤره بو دیلین گئنشلیگی یازی قابلیتی و ائله جه ده علمی پروبلم لری داشیماغا حاضر لیغی واردیر . بو سؤزه اؤرنک ، حال حاضر دا پروفسور زهتابی نین اؤز یازدیغی نئچه جیلد تفصیللی کیتابلاری یا خود باشقا یازیلان کیتابلار ، بودیلین زنگین لیگین و دئرین و یارارین گؤستریب و یا فضولی نین عیرفانی غزل لری بئله ، شیرازلی حافظ دن گئری اولمامیش و اؤزو ده تورک عالمی نین حافظی ساییلا بیلر.
پهلوی تاریخ چیلرین اویدورمالارینا گؤره وطنیمیزده یاشییان گنجلر و درس اوخویانلار ایران تاریخی نین باشلانیشین یالنیز آریالارین ایرانا گلمه سیندن و ائله جه ده ماد و هخامنشی سولاله لریندن سونرا یازمیش و بئله اولدوقدا آذربایجان دا اولان دولت و مدنیت و قاباقجیل سولاله لر، اوجمله دن قوتتی لوللوبی اسکیت لر ( ایشغوزلار ) ماننالار اورارتو لار و باشقا لاریندان هئچ نه آد آپارمایب و بیر شئی اولسون دییه یازمامیش لار ، یالنیز اونلاردان « آسیا نی لر » نامیله آد آپارماقدا آنلاشیلماز بیر حالدا « آسیانی لر یاخشی و گؤزل آت لار بئجره ن سویلار اولموش » دییه اوستوندن آتلامیش لار . حالبوکی تاریخین باشلانیشی چوخلی فاکتلارا و سندلره گؤره آنا یوردوموز آذربایجانین اوتلی - سولی ساحه سینده ان آزی 4 الی 5000 ایل میلاد دان اؤنجه ، ایندی یه دک 7000 ایل کئچمیشی و مدنیتی اولموشدور . بو گئرچک لره دونیانین عالیم و آدلیم تاریخ چیلری ده آچیق - آیدین اشارتلر وئرمیشلر . دئمه لی پهلوی لرین قوندارما تاریخلرینه گؤره ایرانین جفرافیا ساحه سی میلاددان اؤنجه یه دک ، تماما ساکیت و بوش اؤلک